عقد محمود خيري خبير السيارات والاسم البارز في عالم تقسيم السيارات مقارنة بين ثلاثة من السيارات عبر صفحته الشخصية على الفيس بوك
وكتب خيري :
المعركة ساخنه ومحتدمه جدا وفعلا اكتر ٣ عربيات مبيعا تحت مليون جنيه بارقام التراخيص وباهتمام الناس
المركز الأول حتى الان ساوايست بفارق بسيط عن بايك فى. المركز التانى وبعدين المركز التالت نيسان صنى
متقوليش ازاى ده صنى المركز الاول تراخيص
ايوه يا سيدى الفاضل وهتفضل المركز الاول تراخيص لأنها الأقدم ولأنها الأكثر مبيعا للشركات بيجيبوها لموظفينهم مش كل واحد راكب صنى راكبها بمزاجه عادى
الاستفتاء ده يعبر عن مزاج الناس وشايفين ايه الاكثر قيمه مقابل سعر
صنى الأنجح لكن الاتنين التانيين عاملين قلق فعلا وارقامهم مذهله فى وقت قليل وقد يكونوا الأكثر اهتمام
هسيب لينك الأستفتاء فى أول كومنت واكتر من ١٤ الف صوت شارك لحد دلوقتى
فيما جاءت التعليقات على النحو التالي
اعتقد يا استاذ محمود لما البايك تتسلم الشهريين الجايين وتبقي متوفرة استلام فوري هتكتسح التراخيص وتعدي الصني والطبيعي مع انتشارها هتنتشر قطع غيارها برا التوكيل وبأسعار كويسة
الساوايست s05 بالفتيس و الأوبشن الموجودين فيها فارقة عن أي عربية تحت المليون بصراحة عشمانين بس في الحج محمد منصور في 50 الف تخفيض 😂😂😂
يا محمود بك … كلاينت الفيسبوك غير زبون الشارع
واقولك المفاجأة .. ناس كتير من اللي مختارة الساوإيست والبايك وهو ماسك الموبايل في مناخ رطب مريح مجرد عاجباه العربية شكل وامكانيات .. ممكن ساعة التنفيذ يغير رأيه ويجيب صني او RB عادي جدا جدا ويقولك common is common (ماهو كلاينت بقى 😄😄) واللي كل الناس عارفاه احسن من اللي منعرفوش وع الاقل نلاقي فلوس في إعادة البيع الى اخر ال indications اللي ممكن تيجي في دماغه
والله يا هندسه انا معايا امجراند 26 ماشي بيها 36 الف كيلو و احسن منهم هما التالته بس للاسف توكيلها مش عارف يسوقلها صح قسما بالله كل حاجه نفسك فيها في عربيات فوق المليون فيها و ركوبه ممتازه و كانت معايا في السعوديه برضو و الله اكبر عليها ممتازه و حضرتك شكرت فيها كتير اوي اوي لايف او بوستات او فيديوهات
