قال أحد خبراء تسويق السيارات في مصر أن سوق السيارات في مصر افتقد السيارة كيا سبورتاج ٢٠٢٦ ( النسخة الكوري ) – وذلك لأنها موتور ٤ سلندر 1600 CC تيربو ممتاز
اما عن الفتيس ( صندوق التروس ) الاوتوماتيك العادي ٨ سرعات اعتمادي وممتاز
▪️الشاسيه الطويل .. مساحات كبيرة ، وشنطة ملعب كورة
▪️عفشة ناعمة وثابتة وجميلة جدا
▪️اوبنشز ودلع وشاشات سريعة وفيها كم تفاصيل كثير
أضاف في مقال مطول قال : للاسف النسخة الكوري مش بتيجي غير استيراد شخصي فقط ( وديه استيراد شخصي مع ناس معرفة ثقة جدا بالنسبالي ) .. والوكيل غصب عنه بيجيب النسخة السلوفاكي ( بالفتيس دوال كلاتش دراي ) علشان يستفيد من الاعفاء الجمركي
وتابع خبير سوق السيارات الذي يمتلك صفحة كبيرة على الفيس بوك : بس الناس كلها كان نفسها في المواصفة ديه بالصناعة الكورية المحبوبة واللي اكتسبت ثقة كبيرة .. قبل ما التاتش الاوروبي يظهر في فكر صندوق التروس الدوال كلاتش ( الغير محبوب او عملي مثل الاوتوماتيك العادي ) .. ويدخلوا الناس في قصص ووجع دماغ مقارنة بزمان ( ترييح الدماغ )
وتابع خلال مقاله المطول : ده مش معناه ان النسخة السلوفاكي وحشة .. بالعكس منتشرة وكويسة برضه ومريحة وعملت مبيعات كويسة ، بس فكرة الاوتوماتيك العادي كانت هتعمل شغل رهيب في الرينج بتاع ١.٩ الى ٢.٤ مليون جنيه اكيد
✅ واللي بيحل محلها وارخص بكثير .. ونفس المواصفة الميكانيكية والمساخات وترييح الدماغ بالاوتوماتيك العادي ( KGM توريس و KGM اكتيون ) .. انا نزلت ريفيو عن العربيتين دول ( مهمين جداً )
وتابع أيضا : نصيحة للوكلاء ، سوق السيارات عندنا عايز توازن وهدوء ودراسة صح قبل ما تطلق اي علامة ، علشان متضيعش فلوس في الارض .. وبرضه علشان الناس بقت خايفة جدا .. وكل ما في هجوم صيني كثير بشكل مبالغ فيه وبدون دراسة ، كل ما كان الموضوع بقى مقلق ومحير ، والمخاطرة بتبقى اعلى اكثر واكثر ( سواء كان للوكيل او الل هيشتري كمستهلك )
وبخصوص زيادة عدد موديلات السيارات قال : السنة ديه مع الهجوم اللي هيحصل هتبقى سنة عنيفة وهنشوف فيها خسائر كثير من ناحية الطرفين .. فالتأني مطلوب سواء للي ناوي يشتري أو الوكلاء اللي ناوية تنافس او تطرح علامات جديدة
وتوالت التعليقات ردا على حديثه عن السيارة التي قام باستعراضها من خلال منشور مطول عبر صفحته الشخصية وجاءت التعليقات كالتالي :
▪️في كم هجوم عنيف هيحصل اليومين دول ( هدوء ما قبل العاصفة ) .. شدوا الحزام وقولولي ايه رأيكم ؟؟ حابب اسمعه والكل يستفيد ؟؟
طيب أزاي ياهندسة عربية لسه نازله ولسه مش متوافر ليها قطع غيار وفيها بعض الملاحظات الفنية وكومنتات كتير تكون بديل لعربيات ليها باع وتاريخ في السوق أقل تقدير لو الفتيس للأسبورتاج احتاج طقم كلاتش يا أما في الضمان او عالأقل هلاقيه خارج التوكيل 28000جنيه طيب السيارة البديل الأفضل ليها ذي ماحضرتك ذكرت لو إكصدام فقط هجيبه منين ؟؟طيب حتى لو طقم تيل هل موجود في المحلات العادية!!! وفين مراكز الصيانة المعتمدة🤔🤔🤔 سبورتاج ممكن تصينها عند بسطاويسي الميكانيكي😍😍😍
بصراحه من كل الكلام دا انا شايف ان الهال H6 & H7
عربيتين محترمتين جدا الريف طبعا وافضل من اسبورتاج وتوسان وعربيات محدش سمع الي الان عنها اى مشاكل
كمان جيتور داشنج العربية دى انا شايفها منتشرة ومحدش سمع بردوا عنها اى مشاكل وتقريبا السيارة الوحيدة ال محصلش عليها اى تخفيض
اما ال حضرتك بتتكلم عليه ف الكوري دا زى ما انت قلت دا اتجاه ناس معينه مش معظم الناس حاليا .
وحاليا صدقني ميتسوبيشي اكليبس كروس عربية محدش سمع عنها اى مشكلة الي الان. يعني موجود ال ياكل التوسان والكيا
فعلا جميلة ياباشمهندس عصام
بس مازالت مش قادر استغني عن الاوروبي حتي الان وقلبي مش مطاوعني استغني عن سيارتي البيجو 307 sw رغم أنها مو 2007
بس انا عدادها لم يتعدي 172 الف والحمد لله اول يد
بشوف الصيني بامكانيات كتير
ومش عارف اغير ولا اجيب مرسيدس بحالة ممتازة بنفس سعر الصيني الجديد
ايه رائ حضرتك صديقنا العزبز
